Her er NYKJYLGUTEN, trur vi
For ei tid attende hadde vi her eit bilete teke av den kjende fotografen Anders B. Wilse under ei vitjing i Heidalen i 1927. Biletet synte ein unggut med nykjelen til den gamle Tabor-kyrkja, og vi etterlyste tips om kven guten kunne vera. Det har ikkje meldt seg mange, men ein meinte at det kan vera han Magne Kirkestuen - og under arbeidet med ei mengd gamle bilder (som snart kjem her på heimesida), fann me eitt av Magne som langt på veg har overtydd oss om at løysinga er funne. Som vi ser er det ingen tvil om likskapen på bileta her ovanfor. Og alderen høver bra; Magne var født i 1915 og var dermed 12 år da biletet vart teke. Vi har nok truffe rett for Lars Ekre skriv fylgande i ein e-post den 31.januar: "Når det gjeld nykjil-guten: Trur eg med stor sikkerheit kan stadfesta at guten med nykjelen er min bestefar, Magne Kirkestuen. Det er nokre år sidan eg såg dette biletet for fyrste gong. Har også vorte fortalt dette av eldre heidølar." |
||||