Heidal Historielag -
Protokoll frå styremøte
i Kyrkjestugu 6. februar 2014
Til stades: Arne Randen, Grete Lilleseter, Svein Sæther, Gustav Ekre, Åse Skogum og Per Prestgard.
Sak 1. Harddisk oppbevaring
Per hadde med seg ein harddisk med biletmateriale for lagring hos formannen. Dette er ein av to diskar og den andre er hos Magne Teigen.
Sak 2. Årbok 2014
Per orienterte om planane for arbeidet med 2014-boka, og styret ga si tilslutning. Med i nemnda er: Anna Brobakken, Helga Holen, Ola K. Randen og Per Prestgard.
Sak 3. Slektsforsking
Styret har ønskje om at det i løpet av første halvår vert arrangert ei innleiing om slektsforskingsarbeid, og Åse vil prøve å få dette til.
Sak 4. Årsmelding for 2013
Per la fram eit utkast som vart godkjent med følgjande tillegg: Oversikt over eigedelar og ønskje om betre kunngjering av turene til arkeologigruppa.
Sak 5. Rekneskap for 2013
Gustav presenterte rekneskapen som viste eit overskot på
kr 55.541,-. Her var ikkje reklameinntekter med, og Gustav tek seg av det. Styret ga si godkjenning for framlegging i årsmøtet.
Sak 6. Heimesida
Styret har eit sterkt ønskje om å ha nær kontakt med redaksjonen av heimesida. Arne Ekre er viljug til å ta over redaksjonsrolla for ei tid.
Sak 7. Samarbeid med husflidslaget
Per la fram planer for arrangement under Ope helg med demonstrasjon av pressing av Aasengty og utstilling av reiskap etter Simen Aaseng. Husflidslaget har stilt seg positive til framlegget.
Per følgjer opp.
Sak 8. 1814-jubileet
Gustav og Arne orienterte om deltaking i seminar om 200-årsjubileet på Lillehammer og presenterte ideer til eit program for eit eventuelt arrangement i Søre Aamodt 17. mai. I tillegg vart idear nemnde om mogleg medverknad av m.a. musikkforeninga og det Vaagske kompani. Styret samtykka til ideer og planer. Komite til å ta seg av tiltaket vart vald: Gustav Ekre, Arne Randen, Håvard Smidt og Ola Hage.
Sak 9. Førebuing av årsmøtet
Møtet vart lagt til torsdag 6. mars kl. 19.00. Ein skal legge opp til at møtet diskuterer moglege tiltak i bygda som kan vera aktuelle for støtte frå historielaget.
Filmen «Det gamle seterbruket» vil bli vist etter møtet.
|