Det var Jørgen Johnsgård som fann denne steinen, med diverse rissingar, oppe i Gauklia for fleire år sidan. Gauklia ligg oppe i vigga vest for Kulisetrene.
Nå i sumar var representantar for Heidal Historielag med Jørgen til fjells for å registrere steinen og rissingane.
Er det nokon som har kjennskap til denne steinen og rissingane er me takksame for opplysningar om det.
Ein kan sjølsagt gjera seg så mange slags tankar omkring dette "fenomenet"...
- Er det av nyare dato eller frå riktig gamle dagar ?
- Kva slags reiskap vart brukt ? Dei relativt tunne og djupe strekane tyder på xeit skarpt og metallisk reiskap.
- Ligg det noko meining bak dette ? - eller er det rett og slett berre ei slags x"droddling" ?
Hans Vineshaugen og Jørgen Johnsgård sit her på kvar si side av steinen.