 |
|
|
Årboka "I Heidalè" for 2011 er nå i salg. Utgåva i fjor var den fyrste i laget si historie og vart ein stor suksess. Heile opplaget vart utseld etter få månader og er ikkje lenger å få kjøpt. Opplaget i år er auka med 100 eksemplar, men bokhandlarane reknar med at boka av i år også blir ”mangelvare”.
Boknemnda har ført vidare lina frå ifjor med vid spreiing i tema og valg av forfattarar slik at heile bygda skal kjenna seg berørt. Utgåva i år har m.a. artiklar om sivil motstand i bygda under siste krig og innspelinga i 1927 av stumfilmen "Trollelgen". Einar Kristiansen skriv om bestemor si, Marie Hammerseter, ei sterk kvinne gjennom eit tøft liv. I ei artikkelsamling om kafeane i midtre Heidal skriv Anna Rustlie og Britt Randen om kafelivet på Vegmellom og Molund og deira vertinner, Mari Rustlie og Ragnhild Bråten. Også i år har boka ein artikkel om historia til ein av bygda sine mange organisasjonar, der Oddvar Bekkemellom skriv om den 75-år gamle Pinsemenigheten i Heidal. Ein artikkel om fotballstriden mellom Kvam og Heidal som har pågått over fleire tiår, er skrivi av ein kvamver og vil nok terge dei mest patriotiske heidøler.
Salget av boka byrja med eit lanseringsarrangement på Heidal skule sundag 16. oktober.
Den er no i salg i butikkane og bokhandlane - og kan som i fjor bestilles pr. epost her - eller i vanleg brev til GUSTAV EKRE,
Heidalsvegen 1765, 2676 HEIDAL.
Prisen er uendra, kr. 200,- + pakking og porto kr. 75,-.
Bestiller du t.d. "Bureisarboka" samstundes så vert portoen som for ei bok, fordi to bøker går i den same pakka.
|
|
|
|
|
|
|
|
