Blant dei bileta - som Kjersti Enkerud Furuli frå Sjoa sendte oss, var dette av eit sagbruk som det lenge vart spekulert på kvar befann seg. Det var forslag både på Resset og Åmotet, men nå er rette løysinga på plass... |
|
KJELL M. RESSET (tidlegare Hansen) fortel at dette er eit sagbruk som låg nord og ned for skulen på Sjoa. Han skriv vidare: Biletet er frå eit sagbruk som stod nokre år på 50-60-talet. Det kom nok opp som ei "erstatning" for det sagbruket som tidlegare stod på søre Kolloen, men som vart rive omkring 1950 om eg ikkje hugsar heilt feil. Dette avbilda sagbruket stod omlag der han Paul Lunde no har huset sitt - nedst i Kolomoa på bretten ned mot "nye" butikken hans Sverre Bragelien (som åtte grunnen der), altså på skrå nord og ned for Skogheim skule. På biletet ser ein til venstre atti huset hans Anton Olsen, og lengre bak skimtar ein litt av eit hus i Bråkåli-garden. Gjennom "gluggen" i ytre saghusveggen ser ein nedre del av Sjoa-elva der denne møter Laugen. Eg jobba sjøl på dette sagbruket ein sommarferie, dels som sjauar og dels som "bakmann" bak han Pål Åmot som sagmeister! Eg er fødd og oppvaksen på gamle telefonsentralen på Sjoa, og hadde den tida Hansen som etternamn. Er altså bror til Solveig Båtstoløkken som bur der nå, medan eg har budd i Gol sidan 1968 og i mellomtida har tatt tilbake Resset som slektsnamn. Sagmeister her på biletet er Per Enkerud, t.h. - og mannen heilt til vinstre er Kristen Resset frå Sjoa, fortel Ivar Bekkemellom. Han i midten manglar vi framleis namn på. Til dei andre bileta frå Kjersti |