|
|
Side 4 |
||
 |
xxxBorgar Hauglid måla altertavla og teikna antependiet. Altarduken, med eit eineståande vakkert sprang-mønster, er Ella Harlaug meister for. Konsulent Finn Krafft (i riks-antikvariatet) har greidd å rekonstruere den opphavlege dekoren på den gamle preikestolen, som kom på plass att. Noko gamal ornamentikk på tømmerveggene har han òg fått fram att.
Heidals eigen Jørgen Espelund makta på ymse måtar å skapa harmoni og einskap mellom original patina og nyere materiale. Som fin erstatning for den eldgamle døypefonten som gjekk tapt i brannen 1933, laga Trygve Fjerdingren ein ny, ein kopi av den gamle, også av kleber, etter ei skisse som arkitekt Barnet hadde teikna ved århundreskiftet. Det gamle spiret kom på plass att i tårnet sitt, der dei to klokkene atter, etter snart 250 år, kallar folk til gudsteneste når det høver, og dei kanskje bortimot 1000 år gamle portalstavane ønskjer velkomen inn i eit av dei eldste gudshusa i landet. Den 26. juli 1964 skjedde den høgtidelege ny-vigslinga. Til slutt nemnest at Sandviksamlingane på Maihaugen baud kr 10 000 som hjelp, mot å få overta dei vidgjetne portalstavane - og ville attpå erstatta dei med kopiar som skulle vera til forveksling like originalane, men heidølane svara "Nei, takk !" Berre dei ekte var gode nok ! | TILBAKE |
|
||
 |
 Bilete av kyrkjebygningen frå den tida den vart nytta som låve. |
